يا رقيق المشاعر

يارقيق المشاعر وين راح الحنان = ليه ماشلت قلب طاح قدام عينك
الزمن هو زمانك والمكان المكـــــــان = واخر الشعر كلمه تسألك عنك وينك
من تقهويت صوتك سولف الزعفران = عاد وشلون فنجالن تمده يمينــك
تذكر شلون كنا والغلا كيف كـان = يوم لاغبت عنك مااسمع الا ونينك
اشعر بخوف مدري كنت احس بامـان = يكفي ان جيت يمك طار فيني حنينك
وشكثر كنت وافي واقرب الناس خـان = بس اثق فيك حتى لو عيوني تدينــك
راحت اسنين من عمري وعمرك ثمـان = يوم شحت سنيني عوضتني سنينـك
زان عمري بقربك يعني الوقـت زان = حتى جرد القصايد ربعت في يدينك
طول عمري وانا لاوي اذراع الهوان = شفت يومك بعيني منهو يقدر يهينك
مذكر اني نسيتك واذكرك من زمان = واذكر اني ضحيه بين قلبي وبينـك
تدري وش جابني لك لاتقول الحنان = جيت بشيل قلبن طاح قدام عينــك